REVO CUP 2025 sport dasturlash saralash bosqichi yakunlandi - finalchilar bilan tanishing!

2025 yil 29 mart kuni REVO CUP 2025 musobaqasining sport dasturlash (competetive programming) yo‘nalishi bo‘yicha onlayn saralash bosqichi bo‘lib o‘tdi. Bu bosqichda butun O‘zbekistondan yuzlab iqtidorli yoshlar o‘z bilim va mahoratlarini sinovdan o‘tkazishdi.

📊 Saralash bosqichi statistikasi:

• 👥 670 nafar ishtirokchi ro‘yxatdan o‘tdi;

• ⏱ Ularga 3 soat ichida 10 ta masala yechish vazifasi berildi;

• 📦 Umumiy yechimlar soni — 3300+ dan ortiq;

• ✅ 300+ ishtirokchi kamida bitta yechim yubordi;

• 🧠 250+ ishtirokchi hech bo‘lmaganda bitta masalani to‘liq yechdi.

Ishtirokchilarning tayyorgarligi juda yuqori bo‘ldi, raqobat esa nihoyatda keskin kechdi. Ko‘pchilik deyarli barcha masalalarni muvaffaqiyatli yechib, algoritmlar va ma’lumotlar tuzilmalari bo‘yicha chuqur bilimga ega ekanligini isbotladi.

🚫 Diskvalifikatsiya: halol o'yin uchun

Musobaqa tamoyillarining asosiy mezoni — halollik va adolat. Tashkilotchilar tomonidan loglar, kodlar va foydalanuvchi faoliyatini tekshirish natijasida:

• 🤖 AI vositalaridan (ChatGPT, GitHub Copilot va boshqalar) foydalanish,

• 📤 Boshqalarga yechimlar tarqatish,

• 🌐 Tashqi yordamdan foydalanish kabi qoidabuzarliklar aniqlanib,

40 dan ortiq ishtirokchi diskvalifikatsiya qilindi.

Biz barcha halol qatnashgan ishtirokchilarga minnatdorchilik bildiramiz!

🏆 Urganchdagi finalga yo‘llanmani qo‘lga kiritgan TOP-40 ishtirokchi

Saralash bosqichi natijalariga ko‘ra, eng yaxshi 40 nafar ishtirokchi tanlab olindi. Ular REVO CUP 2025 final bosqichida ishtirok etish uchun Urganch shahriga taklif etiladi.

Final — bu:

• Chinakam bilim va tezkor tafakkurni sinovdan o‘tkazish maydoni;

• O‘zaro tajriba almashish;

• Sovrinlar, sertifikatlar va IT kompaniyalari e’tiborini qozonish imkoniyati.

📍 Sport dasturlash bo'yicha finalchilarning to'liq ro'yxatini bu yerdan ko‘rishingiz mumkin.

Yaxshi natija ko‘rsatgan ishtirokchilarga esdalik sovg‘alari

Saralash bosqichida faol va natijador ishtirok etgan ba’zi qatnashchilarni qo‘shimcha rag‘batlantirish maqsadida biz ular uchun kichik esdalik sovg‘alarini taqdim etamiz:

🏆 Timosh (TOP-5 tarkibida) — 400 000 so'm

🏆 The_Samurai (TOP-5 tarkibida) — 300 000 so'm

🏆 NarzullayevMe (TOP-5 tarkibida) — 200 000 so'm

🏆 Sunnat (TOP-5 tarkibida) — 100 000 so'm

🏆 ulugbek (TOP-5 tarkibida) — 100 000 so'm

🌱 JahonaliX (eng yosh faol ishtirokchi) — 200 000 so'm

👩‍💻 YarashevaRayhona (eng faol qiz ishtirokchi) — 200 000 so'm

Barcha g‘oliblarni tabriklaymiz va kelgusi bosqichlarda yanada yuksak natijalar tilaymiz!

📌 Keyingi qadam - kiberxavfsizlik!

29 mart kuni sport dasturlash saralashi bo‘lib o‘tgan bo‘lsa, bugun, 30 mart kuni soat 20:00da, REVO CUP 2025 doirasida kiberxavfsizlik yo‘nalishi bo‘yicha onlayn saralash bosqichi boshlanadi. Ishtirokchilar axborot xavfsizligi, trafik tahlili, zaifliklarni aniqlash va boshqa CTF masalalarida amaliy ko'nikmalar bo'yicha topshiriqlarga duch kelishadi.

Ishtirokchilarga omad tilaymiz!

📈 Dasturlash sayohati natijalari:

Sport dasturlash yo‘nalishidagi saralash bosqichining batafsil natijalarini quyidagi havola orqali ko‘rishingiz mumkin:

👉 Natijalar

Yangiliklarni revolution.uz, ijtimoiy tarmoqlar va Telegram kanalimizda kuzatib boring. REVO CUP 2025 endi boshlanmoqda!