REVO jamoasi Turkiyada bo‘lib o‘tgan GITEX AI 2026 xalqaro texnologiyalar ko‘rgazmasida ishtirok etdi. Tadbir sun’iy intellekt, innovatsion texnologiyalar va startaplar yo‘nalishida faoliyat yuritayotgan kompaniyalarni bir maydonda jamladi.
Ko‘rgazma davomida REVO vakillari dunyoning turli mamlakatlaridan tashrif buyurgan kompaniya va startaplarning taqdimotlari bilan yaqindan tanishdi. Sun’iy intellekt asosidagi yangi mahsulotlar, biznes yechimlari va zamonaviy texnologiyalarning rivojlanish tendensiyalari o‘rganildi.
GITEX AI 2026 REVO jamoasi uchun xalqaro tajribani o‘rganish bilan bir qatorda, yangi g‘oya va yo‘nalishlarni kashf etish imkonini ham berdi. Taqdim etilgan loyihalar va texnologik yechimlar asosida ularni O‘zbekiston bozorida qo‘llash imkoniyatlari ham muhokama qilindi.
Tadbir doirasida qator xalqaro kompaniya va startaplar bilan uchrashuv hamda muzokaralar o‘tkazildi. Muzokaralar natijasida yangi hamkorlik aloqalari yo‘lga qo‘yilib, kelishuv va shartnomalar tuzildi.
GITEX AI 2026’da ishtirok etish REVO uchun jahon sun’iy intellekt bozoridagi jarayonlarni yaqindan kuzatish, xalqaro aloqalarni kengaytirish va kelajakdagi loyihalar uchun yangi imkoniyatlarni aniqlashda muhim tajriba bo‘ldi.
REVO xalqaro tajriba va zamonaviy texnologik yondashuvlarni o‘rganish, istiqbolli g‘oyalarni mahalliy bozorga moslashtirish hamda yangi texnologik mahsulotlarni rivojlantirish yo‘nalishidagi faoliyatini davom ettiradi.
Facebook
Telegram
Twitter
