2026-yil may oyida REVO jamoasi Qozog‘istonning Olmaota shahrida bo‘lib o‘tgan nufuzli xalqaro texnologik tadbir — GITEX AI Kazakhstan 2026 ko‘rgazmasida ishtirok etdi. Ushbu tadbir sun’iy intellekt, raqamli transformatsiya, startaplar va innovatsion texnologiyalar sohasidagi eng dolzarb tendensiyalarni bir maydonga jamlagan yirik xalqaro tadbir hisoblanadi. REVO uchun mazkur tashrif nafaqat yangi texnologiyalar bilan yaqindan tanishish, balki xalqaro hamkorliklarni kengaytirish va faoliyatining keyingi rivojlanish bosqichlarini belgilash imkoniyatini ham yaratdi.
GITEX AI Kazakhstan nima?
*GITEX AI Kazakhstan — dunyodagi eng yirik texnologik ekotizimlardan biri hisoblangan GITEX tarmog‘ining Markaziy Osiyo va Kavkaz mintaqasi uchun tashkil etilgan yangi xalqaro platformasidir. Tadbir Qozog‘iston Respublikasi Sun’iy Intellekt va Raqamli Rivojlanish vazirligi, Astana Hub hamda Olmaota shahri hokimligi hamkorligida tashkil etilgan. GITEX brendi esa 40 yildan ortiq tarixga ega bo‘lib, texnologiyalar, startaplar, investorlar va innovatsion kompaniyalarni birlashtiruvchi dunyoning eng mashhur texnologik ko‘rgazmalaridan biri hisoblanadi. * 2026-yilda ilk bor tashkil etilgan GITEX AI Kazakhstan ko‘rgazmasida:
- 336 dan ortiq texnologik kompaniyalar va startaperlar;
- 100 dan ortiq investorlar;
- 200 dan ortiq xalqaro spikerlar;
- 50 dan ortiq mamlakat vakillari ishtirok etdi.
Bu REVO uchun yangi imkoniyatlar maydoni
Ko‘rgazma davomida REVO jamoasi xalqaro ekspertlar, texnologik kompaniyalar, investorlar va startap ekotizimi vakillari bilan qator uchrashuvlar o‘tkazdi.
- sun’iy intellekt va raqamli transformatsiya bo‘yicha eng yangi global trendlarni o‘rgandi;
- xalqaro ekspertlar bilan tajriba almashdi;
- istiqbolli hamkorliklar uchun muzokaralar olib bordi;
- Markaziy Osiyo texnologik bozoridagi yangi imkoniyatlarni tahlil qildi. Bugungi kunda texnologiyalar rivoji mislsiz tezlik bilan davom etmoqda. Shu sababli xalqaro tajribalarni o‘rganish va global hamjamiyat bilan doimiy aloqada bo‘lish REVO rivojlanish strategiyasining muhim qismiga aylangan.
REVO Lab — yangi bosqichga qadam
GITEX AI Kazakhstan 2026 doirasidagi eng muhim yangiliklardan biri REVO tomonidan REVO Lab inkubatsiya va akseleratsiya markazining rasman ishga tushirilgani bo‘ldi.
REVO Lab yosh tadbirkorlar, startaplar va innovatsion loyihalarni qo‘llab-quvvatlashga qaratilgan yangi platforma hisoblanadi. Uning asosiy maqsadi istiqbolli g‘oyalarni rivojlantirish, mentorlik va ekspert yordamini taqdim etish, investitsiya imkoniyatlarini yaratish hamda loyihalarni xalqaro bozorga olib chiqishdan iborat.
GITEX AI Kazakhstan davomida orttirilgan bilimlar, xalqaro aloqalar va hamkorliklar aynan REVO Lab faoliyatini rivojlantirishda muhim poydevor vazifasini bajaradi. Kelgusida REVO Lab orqali:
- innovatsion startaplarni inkubatsiya qilish;
- biznes va texnologik mentorlik dasturlarini yo‘lga qo‘yish;
- investorlar bilan bog‘lash;
- xalqaro bozorlarga chiqish imkoniyatlarini yaratish;
- Markaziy Osiyodagi startap ekotizimini rivojlantirish rejalashtirilgan. Bugungi kunda Markaziy Osiyo sun’iy intellekt, raqamli iqtisodiyot va innovatsiyalar yo‘nalishida jadal rivojlanayotgan hududlardan biriga aylanmoqda. GITEX AI Kazakhstan kabi xalqaro platformalar esa mintaqadagi texnologik ekotizimni global maydon bilan bog‘lashda muhim rol o‘ynamoqda. REVO ushbu jarayonlarning faol ishtirokchisi sifatida yangi loyihalar, innovatsion tashabbuslar va startaplarni qo‘llab-quvvatlash orqali mintaqaning texnologik kelajagini shakllantirishga o‘z hissasini qo‘shishda davom etadi. Oldinda esa yangi hamkorliklar, yangi loyihalar va yangi imkoniyatlar kutmoqda.
Facebook
Telegram
Twitter
